Sportel PAT

te C11 Comprenjorie Ladin de Fascia
Strada di Pré de gejia, 2 - 38036 Poza (TN)
Responsàbol: Rasom Mariano
E-mail: mariano.rasom@provincia.tn.it
Tel.: 0462-763505
Fax: 0462-763503
Orarie: lunesc e jebia: da doman 08.15-12.15, domesdì 14.00-16.00
mèrtesc e mercol: da doman 08.15-12.15, domesdì su apuntament.

Istoria
I sportìe per l'informazion e l'assistenza a la jent i é stac metui sù de oril del 1990 aldò de l'art. 27 de la L.P. n. 45/88 (touta jù da la L.P. n. 23/92) che revèrda "Principi generali per la semplificazione e la democratizzazione dell'azione amministrativa provinciale", che pervedea che la Jonta provinzièla troe fora strutures aposta, ence foravìa, che deide a dèr fora la informazions che ge serf ai sentadins per ruèr apede a providenzes o per aerchi documenc che ge enteressa.

Al dì d'anché l'atività de chisc sportìe la é endrezèda da l'art. 34 de la L.P. dai 30 de november del 1992, n. 23 ("Principi per la democratizzazione, la semplificazione e la partecipazione all'azione amministrativa provinciale e norme in materia di procedimento amministrativo"), che disc: "per favorire e migliorare la diffusione delle informazioni necessarie ai cittadini per accedere alle provvidenze o per ottenere atti di loro interesse, la Provincia individua appositi sportelli, anche decentrati, con il compito di svolgere attività d'informazione e di assistenza all'utenza, anche con l'ausilio di mezzi informatici. Al fine di agevolare i rapporti con l'utenza, gli sportelli d'informazione e di assistenza al pubblico sono competenti a ricevere istanze e documentazione da presentare agli organi o alle strutture provinciali. Gli enti funzionali della Provincia possono avvalersi degli sportelli di assistenza e d'informazione sulla base di apposita convenzione che disciplina i rapporti organizzativi, giuridici ed economici….".

L sportel l serf per didèr l sentadin a se mever sorì fora per i ofizies de la publica Aministrazion e per ge dèr n pont de referiment sorì e più vejin a el, olache l pel troèr respostes a sia domanes e sparagnèr temp, scioldi e energìes.

Per chesta rejon, i operatores no dèsc fora demò informazions o modulistica de desvaliva sort, i é enveze legitimé ence a tor sù domanes e documentazion da ge portèr a la strutures provinzièles e ai Enc funzionèi de la Provinzia.

Apontin per ge arsegurèr a duta la popolazion trentina n contat sorì co l'Aministrazion provinzièla, enceben che la stae dalonc da duc i ofizies che l'é te Trent, i sportìe (10 en dut) i é stac orii te la senta de ogne Comprenjorie (fora che chel de Trent, olache, te la senta provinzièla, te Strèda Romagnosi, l'é n ofize informazions dela PAT).

I sportìe vegn coordené a livel zentrèl dall servije Organisazion de la PAT. L'atività de coordenament la serf per sostegnir i sportìe e i didèr a troèr soluzions ai problemes, dubies o situazions fora de anter che vegn fora tel cors de sia atività, canche i bina ensema la infomazions e la documentazion che serf per ge arsegurèr a l'utent n servije fat polito e te curt temp, e con n eie a la neves o a la mudazions normatives e/o de endrez. Vegn portà inant donca na atività de agiornament che vegn fat ogne setemèna te la senta zentrèla de Trent. Te chela ocajion, amò apede, i operatores i porta dant la domanes che i à binà sù te sie ofizies via per la setemèna.

I servijes del sportel PAT

• ASSISTENZA per entener delvers la leges, la desposizions normatives e aministratives de la Provinzia Autonoma che revèrda la autorisazions, la conzescions, i servijes sporc, i didamenc economics, la providenzes e i finanziamenc;
• COLABORAZION per scriver ite giust la modulistica e fèr jù delvers la domanes che vèrda la singola prozedura aministrativa;
• REGOI de domanes de autorisazion, conzescion, domanes de agevolazion, incentives o servijes con rezepis aldò. Se cruzia l'operator de ge fèr ruèr la domanes al Servije provinzièl de competenza, a na moda che l sentadin no abie brea de se spostèr, aer dejèjes e perder temp;
• NEVES su l'iter e su l'éjit de la domanes manèdes ite a la Provinzia autonoma de Trent;
• INFORMAZIONS su la atività e sul funzionament de la Provinzia Autonoma de Trent.
  

Te chisc ofizies vegn portà inant chela atività che a livel nazionèl la é per solit de competenza de desvaliva Aministrazions, desche:
Azienda Sanitèra
Previdenza e assistenza a la families
integrazion assegn a la familia, perscion de la fémenes de cèsa, assegn di natalità e de cura per bec picoi, adozions e afidamenc fin al secont an de vita, contribut per paamenc volontadives INPS e c.i.
Previdenzes per i invalidi zivii
Contribuc per tor demez i empedimenc delle architetonics
Contribuc per l'industria, l'artejanat, l turism, comerz e sparagn energetich
Cartieres publics.

Sportelli PAT della Provincia Autonoma di Trento