 |
 |
 |
|
 |
 |
 |
 |
 |
 |
 |
 |
 |
 |
L paìsc
Sòrt m. 1256/s.l.m. (dal latin"sortis", che fossa desche dir teren de ben comun, tirà a la brusca) la é a un km da Moena. Sia pìcola gejia, col ciampanil a cigola, la é dedichèda al patron Sèn Giosef. Daìte se pel mirèr depenc a fresch che se peissa che i sie stac fac da Rovisi.
Forn m. 1.168/s.l.m., dal latino "Furnus" (forn, olache vegnìa delegà i metèi). Se scontra chest paìsc te chela che se vegn en sù da Pardac; l'é la frazion più en jù de Moena, la é dalonc presciapech 4 km e aló vegn rejonà l fiamac. La gejia é dedichèda a S. Lazer. A Forn l'é nasciù, del 1788, l congnosciù botanich Francesco Facchini, mort a Vich del 1852. Da Forn se pel ruèr a la carateristica frazions de Medil (1636 m./s.l.m.) e Penìa (1468 m ./s.l.m.). Ciantons tipics e carateristics é chi de "Ciajeole" (olache l'é nasciù l paìsc), de "Pecé" e de "Turchia" (sie inom no vegn pa ca da chel Stat, ma piutost dai tòrcoi che na outa i era aló per l'atività de artejanat). Foto fassanews.com |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
|
|
|
Na
outa l'aea inom Mojena, dal térmen latin "mollis"
che vel dir "teren tumech, moa o paluf" e l'é,
tel vegnir en sù, l prum paìsc del Comprenjorie Ladin
de Fascia. Enceben che per chel che vèrda l lengaz la fèsc
pèrt del raion ladin, la é ence pèrt, jà
dal 1100, de la Magnifica Comunità de Fiem. L paìsc
l'é a 1.184 m/slm e aló stèsc 2607 sentadins
che la l fèsc doventèr l paìsc con più
jent te duta la Val. L nasc tel pont olache l ruf de Costalongia
e l ruf de S. Pelegrin se trèsc te la Veisc. Un di frabicac
più veies del paìsc l'é la gejia de Sèn
Borcan (presciapech 1025) che l vèrda via i boschieres. De
valuta l'é l celor de legn tegnù sù da statues;
ence i depenc a fresch i é n muie enteressanc ajache i é
del 1400, apede a la teiles. Chela de Sèn Borcan l'é
stat la pruma curazìa de Moena enscin al 1164, canche l'é
vegnù sagrà dal Prinzip Piscop de Trent Adalpreto
II la gejia de Sèn Vile, l patron del paìsc. Te chesta
gejia se pel mirèr desvaliva operes del pitor da Moena Valentino
Rovisi (1715 - 1738), stat n scolé del Tiepolo a Venezia.
Da vijitèr, al scomenz de la val del Ruf de Costalongia,
l'é ence la gejiola dedichèda a la Madona dai set
dolores chiamèda ence "La Madonina" (1713).
Someda
m. 1.265/s.l.m. l'é la frazion più veia de Moena e
la é dalonc presciapech 1 km dal paìsc. Sie inom vegn
cà da la jonta de "so" o "sot" co l'inom
de mont "Meda". La é te na posizion zis bela co
la veduda del Latemar e del Ciadenac. La gejia, fata sù entorn
l 1530, la é dedichèda ai Sènc Fabian, Bastian
e Roch che i é stac depenc vindò l'utèr, fazilmenter
dal pitor da Moena Rovisi. 
Design
Fassa Media Comunicazioni Canazei