Ofize Servijes Linguistics e Culturèi

Competenzes prinzipèles:

• pian comprenjorièl de promozion de la cultura ladina (L.P.   28.10.1985, n.17)
• traduzion de documenc per ladin (D.Leg. 592/93 e D.Leg. 321/97)
• consulenza linguistica per enc e privac
• corsc de lengaz e alfabetisazion per ladin

Responsàbola: Sabrina Rasom

Donatella Dellagiacoma - Loreta Florian - Sara Merighi
email: cultura.compfassa@c11.tn.it

Istituzion:

L'Ofize Servijes Linguistics e Culturèi l'é stat metù sù de jené del 1995 per fèr front ai adempimenc domané da la "Normes de atuazion del Statut spezièl de la region Trentin-Südtirol che revèrda la despojizions de stravardament de la popolazions de lengaz ladin de la provinzia de Trent" (Decret Legislatif dai 16 de dezember del 1993, n. 592 e Decret Legislatif dai 2 de settembre del 1997, n. 321) e da la "Normes de atuazion del Statut Spezièl de la region Trentin-Südtirol che porta mudazions e integrazions al decret legislatif dai 16 de dezember del 1993, n. 592, en materia de stravardament de la mendranzes linguistiches te la provinzia de Trent".

Ativitèdes prinzipèles:

1. traduzion per ladin di documenc del Comprenjorie scric per talian (contrac, deliberazions, avisc, e c.i.) e assistenza linguistica ai dependenc de l'ent medemo che, per na pèrt, se cruzia de traduzions;
2. consulenza linguistica e traduzion de documenc per i enc publics locai, anter chisc ence i statuc e etres documenc desvalives;
3. enjignèr traduzions domanèdes da etres enc, da la Provinzia e da la Region, outes tel spezifich a la popolazions ladines (pageles de la scoles, publicazions de concorsc de la Sorastanza Scolastica, verbai e materièi per la litazions comunèles e regionèles, e c.i.);
4. endrez de corsc de lengaz e alfabetisazion al ladin ouc al personal ensegnant e aministratif che laora jà te la scoles o te la aministrazions publiches de Fascia (Comuns, Comprenjorie, Ofizies Provinzièi, Scoles de ogne órden e livel, e c.i.), ma ence a chi che volessa ciapèr post te la aministrazions publiches o te la scoles.

• Corsc de lengaz e alfabetisazion
• Pian de promozion de la Cultura Ladina 2008: Relazion (70KB) Tabela de sumèda
• Projet "Per Ladin amò più bel"

Delaìte de l'Ofize Servijes Linguistics e Culturèi laora ence l personal tout sù per i "Projec Bilinguism"