Volontadives del Lengaz

La scomenzadiva “Volontadives del lengaz” l’à desche fin chel de sparpagnèr fora e durèr l ladin. La proponeta, pissèda e sperimentèda tel projet Unesco Linguapax, l’à abù n gran suzess te la Catalogna portan chi che rejona catalan a sparpagnèr fora sie lengaz de mendranza. Ence per Fascia l Comprenjorie ladin met dant chesta scomenzadiva, na pìcola endesfida percheche l fascian sie amò più vif e l fone sia reijes te la vita da vigni dì. I volontadives del lengaz l’é persones che per amor del ladin met a la leta mìngol de sie temp ledech per l’ensegnèr, l’emparèr e l durèr miec. L’é omegn e fémenes averc a cognoscer de autra jent, curiousc e enteressé a na esperienza neva e al confront, che i sà che durèr, ensegnèr e emparèr n nef lengaz l’é na richeza. No l’é emportant cotant de temp che i volontadives del lengaz pel sporjer, demò i à la voa de rejonèr ladin tedant a n café, con na telefonèda o te vigni moment de temp ledech. Per tor pèrt a la scomenzadiva bèsta empienir ite l modul da desciarièr sun chest sito e l manèr ite a la direzion e-mail cultura.compfassa@c11.tn.it, scrivan età, enteresc e autra generalitèdes che les ge servirà a l’Ofize di servijes linguistics e culturèi per meter ensema la persones più adatèdes a se scontrèr e per ge passèr i contac.

COMUNICAT: i Volontadives del Lengaz

MODULO: scrif ite l mòdul